დეპუტატი "ქართული ოცნებიდან", პარლამენტის ვიცე-სპიკერი ნინო წილოსანი ფეისბუკის ოფიციალურ გვერდზე მოქალაქეებს მიმართავს და მათთვის ლოცვას ჰპირდება. ამ პოსტით ის ეხმაურება "აგენტების კანონის" მოწინააღმდეგეთა ინიციატივას, ამ კანონის მხარდამჭერ დეპუტატებს "ქვეყნის ღალატისთვის" ანგარიშებზე სიმბოლურად ჩაურიცხონ 30 თეთრი. "ამ მძიმე დღეს თქვენთვის ვილოცებ, უფალს ვთხოვ მოგიტევოთ თქვენში გაჯერებული ზიზღი და გიხსნათ ბოროტი ძალებისგან.. თქვენი ჩარიცხული თანხა კი ეკლესიის შესაწირ ყუთში იქნება", - წერს დეპუტატი. მას შემდეგ, რაც საქართველოს პარლამენტმა მეორე მოსმენით მიიღო "აგენტების შესახებ" სადავო კანონპროექტი, რომლის წინააღმდეგაც თბილისში უწყვეტად იმართება ხალხმრავალი აქციები, მოქალაქეებმა ამ კანონის მხარდამჭერ დეპუტატებთან ჯერ სმს-ების გაგზავნა დაიწყეს, შემდეგ კი - სიმბოლური თანხის ჩარიცხვა მათ პირად ანგარიშებზე, დანიშნულების ველში "ქვეყნის ღალატისთვის" მითითებით. ასევე ნახეთ ნინო წილოსანი: "გამოწვევა მიღებულია - საქართველო vs უსამშობლოების ბრძოლა დაწყებულია" "აგენტების კანონი" მეორე მოსმენით პარლამენტმა 1 მაისს მიიღო - მას 83 დეპუტატმა დაუჭირა მხარი. ბოლო სამი დღის განმავლობაში პოლიციამ ამ კანონის საწინააღმდეგო აქციებზე ასამდე ადამიანი დააკავა. ასევე ნახეთ ომბუდსმენი: გმირთა მოედნის აქციაზე დაკავებულთა ნაწილი ძალის გადამეტებაზე მიუთითებს ...